210 REGISTRES

pour empescher le charroy et habondance de peuple pendant que ledit convoy y passera.

Et au regard de mess" les Prevost des Marchans et Eschevins, Clerc, Procureur et Receveur, ilz seront vestuz et habillez en dueil aux despens de la Ville bien et honnestement en tel cas requiz, pour aller, de par la Ville, accompaignez des officiers, bourgois et marchans d'icelle en bon nombre en robbes noires, les ungs à pié pour marcher devant et les autres à cheval pour marcher derriere, jusques à la porte du boulouart de la porte S' Jaques, au devant de lad. Dame;

Et illec prendre, par lesd. Prevost et Eschevins et Clerc dela Ville, le ciel delad. Dame pour le porter, en la maniere en tel cas acoustumée, joignant la représentation de son corps ;

Et là lesd, archers, arbalestriers, officiers de lad. Dame prendront les torches de la Ville pour les porter au convoy, et lesd, bourgois s'espanderont de costé et d'autre de la rue pour veoir passer led. convoy en telle maniere qu'il n'y ait point de confusion; et que les Quarteniers des quartiers par où led. corps passera establissent gens pour s'en donner garde, ausquelz seront baillez bastons noircys pour ce fere.

Et quant aux sergens de la Ville, leur sera faicte quelque tauxation ad ce qu'ilz se vestent de dueil pour, à l'honneur de la Ville, accompaigner mesd. s" Prevost et Eschevins aud. convoy, tant en ceste ville de Paris que aud. lieu de S'Denis.

En ensuivant laquelle deliberation et pour icelle mettre à excecution, mesd. s™ Prevost des Marchans et Eschevins mandèrent le lendemain matin venir pardevers eulx les Quarteniers de la Ville, les cappitaines des archers et des arbalestriers d'icelle, les sergens de la Ville, les procureurs des communautez des officiers d'icelle, les maistres des euvres de la Ville, l'espicier d'icelle et aucuns paintres; et leur ordonnèrent, à chascun en droit soy, ce qu'ilz avoient à faire selon l'intention de lad. deliberation, et qu'ilz leur en feissent leur rapport au lendemain ensuivant.

Et le vendredi ensuivant feirent leurd, rapport : que chascun estoit délibéré d'obtempérer à lad. ordonnance, et n'y aroit point de faulte au jour que lad. Dame arriveroit.

Et le dimenche ensuivant, xn^e jour dud. mois de

O Au Registre suit immédiatement notre art. CCCX, en date du

DU BUREAU [i5i4]

Fevrier, arriva le corps de lad. Dame à Nostre Dame des Champs acompaigné de grande seigneurie, de princes, princesses, et d'autres notables et grans personages. Et fut mys led. corps en l'eglise dud. lieu, où il reposa la nuyt et jusques au mardi ensuivant environ deux heures après mydy, qu'il fut mys à chemin pour estre apporté à Paris. Et lors se trouverent au convoy, oultre le train et lasuytte de lad. Dame, les gens d'Eglise, tant de religion que autres de ceste ville de Paris, pareillement les officiers du Roy à Paris, chascun selon son ordre et prééminence. Et mesd. s" Prevost des Marchans et Eschevins et leur compaignye des archers et arbalestriers de la Ville, des sergens et autres officiers d'icelle, et bon nombre de bourgois, marchèrent par belle ordonnance jusques à lad. porte S¹ Jaques, et là attendirent l'arrivée dud. corps; et luy arrivé, prindrent iceulx Prevost et Eschevins et Clerc de Ia Ville le ciel de lad. Dame, que six genlilzhommes avoient apporté de Nostre Dame des Champs jusques là, et le porterent derriere et joignant la littiere et représentation d'icelle Dame; et les archers et arbalestriers et autres officiers de la Ville prindrent les torches de la Ville pour les porter au convoy devant celles de lad. Dame; et les sergens se tindrent à l'entour desd. Prevost et Eschevins, el les autres personages, bourgois et marchans s'espandirent aux ailles de la rue, ainsi qu'il avoit esté ordonné.

Et le corps arrivé à Nostre Dame, furent dites vigilles de mors, et le lendemain au matin le service. Et après disner fut mys en chemin pour aller à S'Denis en tel ordre, jusques hors la porte, qu'il estoit arrivé à Paris. Et à lad. porte S' Denis délaissèrent le ciel mesd. S" ausd, gentilzhommes qui le leur avoient baillé à lad. porte S' Jaques, et s'en retournerent à Paris par la porte S' Martin accompaignez desd, sergens et aucun nombre de bourgois.

Et le lendemain, dès cinq heures du matin, partirent de ceste ville accompaignez desd, sergens et s'en allerent à S'Denis en France au service et derrenieres obseques de lad. Dame. Et après le service fait et accomply et le corps ensepulturé, disnèrent aud. lieu de S' Denis en ung hostel où ilz avoient fait appareiller à disner. Puis après disner retournerent ung tour à l'eglise faire leurs oroisons. Et ce fait s'en retournerent à Paris'¹'.

116 août.




	210 REGISTRES pour empescher le charroy et habondance de peuple pendant que ledit convoy y passera. Et au regard de mess" les Prevost des Marchans et Eschevins, Clerc, Procureur et Receveur, ilz seront vestuz et habillez en dueil aux despens de la Ville bien et honnestement en tel cas requiz, pour aller, de par la Ville, accompaignez des officiers, bourgois et marchans d'icelle en bon nombre en robbes noires, les ungs à pié pour marcher devant et les autres à cheval pour marcher derriere, jusques à la porte du boulouart de la porte S' Jaques, au devant de lad. Dame; Et illec prendre, par lesd. Prevost et Eschevins et Clerc dela Ville, le ciel delad. Dame pour le porter, en la maniere en tel cas acoustumée, joignant la représentation de son corps ; Et là lesd, archers, arbalestriers, officiers de lad. Dame prendront les torches de la Ville pour les porter au convoy, et lesd, bourgois s'espanderont de costé et d'autre de la rue pour veoir passer led. convoy en telle maniere qu'il n'y ait point de confusion; et que les Quarteniers des quartiers par où led. corps passera establissent gens pour s'en donner garde, ausquelz seront baillez bastons noircys pour ce fere. Et quant aux sergens de la Ville, leur sera faicte quelque tauxation ad ce qu'ilz se vestent de dueil pour, à l'honneur de la Ville, accompaigner mesd. s" Prevost et Eschevins aud. convoy, tant en ceste ville de Paris que aud. lieu de S'Denis. En ensuivant laquelle deliberation et pour icelle mettre à excecution, mesd. s™ Prevost des Marchans et Eschevins mandèrent le lendemain matin venir pardevers eulx les Quarteniers de la Ville, les cappitaines des archers et des arbalestriers d'icelle, les sergens de la Ville, les procureurs des communautez des officiers d'icelle, les maistres des euvres de la Ville, l'espicier d'icelle et aucuns paintres; et leur ordonnèrent, à chascun en droit soy, ce qu'ilz avoient à faire selon l'intention de lad. deliberation, et qu'ilz leur en feissent leur rapport au lendemain ensuivant. Et le vendredi ensuivant feirent leurd, rapport : que chascun estoit délibéré d'obtempérer à lad. ordonnance, et n'y aroit point de faulte au jour que lad. Dame arriveroit. Et le dimenche ensuivant, xn^e jour dud. mois de O Au Registre suit immédiatement notre art. CCCX, en date du	DU BUREAU [i5i4] Fevrier, arriva le corps de lad. Dame à Nostre Dame des Champs acompaigné de grande seigneurie, de princes, princesses, et d'autres notables et grans personages. Et fut mys led. corps en l'eglise dud. lieu, où il reposa la nuyt et jusques au mardi ensuivant environ deux heures après mydy, qu'il fut mys à chemin pour estre apporté à Paris. Et lors se trouverent au convoy, oultre le train et lasuytte de lad. Dame, les gens d'Eglise, tant de religion que autres de ceste ville de Paris, pareillement les officiers du Roy à Paris, chascun selon son ordre et prééminence. Et mesd. s" Prevost des Marchans et Eschevins et leur compaignye des archers et arbalestriers de la Ville, des sergens et autres officiers d'icelle, et bon nombre de bourgois, marchèrent par belle ordonnance jusques à lad. porte S¹ Jaques, et là attendirent l'arrivée dud. corps; et luy arrivé, prindrent iceulx Prevost et Eschevins et Clerc de Ia Ville le ciel de lad. Dame, que six genlilzhommes avoient apporté de Nostre Dame des Champs jusques là, et le porterent derriere et joignant la littiere et représentation d'icelle Dame; et les archers et arbalestriers et autres officiers de la Ville prindrent les torches de la Ville pour les porter au convoy devant celles de lad. Dame; et les sergens se tindrent à l'entour desd. Prevost et Eschevins, el les autres personages, bourgois et marchans s'espandirent aux ailles de la rue, ainsi qu'il avoit esté ordonné. Et le corps arrivé à Nostre Dame, furent dites vigilles de mors, et le lendemain au matin le service. Et après disner fut mys en chemin pour aller à S'Denis en tel ordre, jusques hors la porte, qu'il estoit arrivé à Paris. Et à lad. porte S' Denis délaissèrent le ciel mesd. S" ausd, gentilzhommes qui le leur avoient baillé à lad. porte S' Jaques, et s'en retournerent à Paris par la porte S' Martin accompaignez desd, sergens et aucun nombre de bourgois. Et le lendemain, dès cinq heures du matin, partirent de ceste ville accompaignez desd, sergens et s'en allerent à S'Denis en France au service et derrenieres obseques de lad. Dame. Et après le service fait et accomply et le corps ensepulturé, disnèrent aud. lieu de S' Denis en ung hostel où ilz avoient fait appareiller à disner. Puis après disner retournerent ung tour à l'eglise faire leurs oroisons. Et ce fait s'en retournerent à Paris'¹'. 116 août.